ЦАГ АГААРЫН МЭДЭЭ

Нийтэлсэн: 2018 он 01 сар 24. 09 цаг 46 минут
2018 оны 02 дугаар сарын 06-наас 10-ныг хүртэлх цаг агаарын урьдчилсан төлөв 07-08-ны шөнө нутгийн баруун болон хойд, төв хэсгээр, 08-ны өдөр нутгийн өмнөд болон зүүн хэсэг, Хангайн уулсаар, 09-нд зарим газраар бага зэргийн цас орж, явган шуурга шуурна. Бусад хугацаанд цас орохгүй. Салхи ихэнх хугацаанд 3-8 м/с, 07, 09-нд зарим газраар, 08-нд ихэнх нутгаар 7-12 м/с, түр зуур 14-16 м/с хүрч ширүүснэ. Идэр, Тэс, Буянт голын хөндийгөөр шөнөдөө 38-43 градус хүйтэн, өдөртөө 24-29 градус хүйтэн, Хангайн уулархаг нутгаар шөнөдөө 32-37 градус хүйтэн, өдөртөө 18-23 градус хүйтэн, нутгийн өмнөд болон говь, талын нутгаар шөнөдөө 20-25 градус хүйтэн, өдөртөө 7-12 градус хүйтэн, бусад нутгаар шөнөдөө 26-31 градус хүйтэн, өдөртөө 11-16 градус хүйтэн байна. 08-наас нийт нутгаар хүйтний эрч чангарна.
Дэлгэрэнгүй

МАЛ ТООЛЛОГЫН ХЯНАЛТААР АЖИЛЛАЛАА

Нийтэлсэн: 2017 он 12 сар 14. 14 цаг 09 минут
Статистикийн хэлтсээс мал тооллогын хяналтын ажлаар хуваарийн дагуу Нөмрөг, Түдэвтэй, Баянхайрхан, Асгат, Сонгино, Цэцэн-Уул сумдад ажиллалаа. Хяналт шалгалтын хүрээнд сумдын мал тооллогын ажлын зохион байгуулалт, маягт хөтлөлт, малыг нүд үзэн тоолох, отрын бүс нутгаар хэрхэн ажиллаж байгаа зэргийг үзэж танилцан гарсан зөрчил дутагдлыг арилгуулж, заавар зөвлөгөө өгч ажилласан. Мөн мал тооллогын мэдээлэл боловсруулах програмыг засварлан, шинэчлэлт хийн ажиллалаа.
Дэлгэрэнгүй

ЖИЛИЙН ЭЦСИЙН МАЛ ТООЛЛОГЫН НЭГДСЭН СУРГАЛТЫГ АМЖИЛТТАЙ ЗОХИОН БАЙГУУЛАЛАА

Нийтэлсэн: 2017 он 12 сар 07. 16 цаг 20 минут
2017 оны жилийн эцсийн мал, тэжээвэр амьтад, хашаа худгийн тооллогын маягтанд өөрчлөлт орсонтой холбогдуулан нэгдсэн сургалтыг 12 сарын 04-ний өдөр Нутгийн удирдлагын ордонд зохион байгууллаа. Сургалтанд 24 сумын Засаг даргын орлогч, Төсөв, төрийн сангийн мэргэжилтэн, Улиастай сумын 6 багийн Засаг дарга, холбогдох ажилтан нийт 60 хүн оролцлоо. Уг сургалтаар мал тооллогыг хэрхэн зохион байгуулах, маягт зааврыг дэлгэрэнгүй танилцуулан холбогдох заавар зөвлөмж өглөө. Мөн хүн ам өрхийн мэдээллийн сангийн баяжилт, графикт мэдээ тайлан бусад цаг үеийн шаардлагатай мэдээ мэдээллийг гаргахад анхаарах асуудлыг хэлэлцлээ. Түүнчлэн Мал эмнэлэг, үржлийн тасаг, Ус, цаг уур, орчны шинжилгээний газар, Онцгой байдлын газруудаас анхаарах асуудлын талаар нэмэлт мэдээлэл хийлээ.
Дэлгэрэнгүй

АЙМГИЙН МАЛ ТООЛЛОГЫН КОМИСС ХУРАЛДЛАА

Нийтэлсэн: 2017 он 12 сар 07. 16 цаг 13 минут
Үндэсний Статистикийн хорооны даргын 2017 оны 11 сарын 24-ний өдрийн 01/1077 дугаар тушаалын дагуу аймгийн Засаг дарга захирамж гарган аймгийн мал тооллогыг зохион байгуулах комиссыг 11 хүний бүрэлдэхүүнтэй томиллоо. Мал тооллогын комиссын хуралдааныг 2017 оны 12 сарын 1-ний өдөр зохион байгууллаа. Уг хуралдаанд мал тэжээвэр амьтад, хашаа худгийн тооллогыг чанартай зохион байгуулах, бэлтгэл ажлыг бүрэн хангаж өндөр зохион байгуулалтан дор хамтарч ажиллахыг санууллаа.
Дэлгэрэнгүй

ИРГЭДЭЭ СОНСЪЁ АЯНД НЭГДЛЭЭ

Нийтэлсэн: 2017 он 12 сар 07. 16 цаг 09 минут
Завхан аймгийн Статистикийн хэлтсээс 2017 оны 11 сарын 25-ны өдөр “Иргэдээ сонсъё” аяны хүрээнд аймгийн төвийн 6 багийн 500 гаруй иргэдэд хэлтсийн үйл ажиллагааг сурталчиллаа. Статистикийн мэдээ, мэдээллийн сан бүрдүүлэлт, ашиглалт тархаалтын талаар хэрэглэгчдэд танилцуулга хийж хэлтсээс гарсан бүтээгдэхүүн нугалбар зэргийг тархааж ажиллалаа.
Дэлгэрэнгүй

"ТОГТВОРТОЙ ХӨГЖИЛ-СТАТИСТИК" ҮНДЭСНИЙ АНХДУГААР ЧУУЛГАН БОЛЛОО

Нийтэлсэн: 2017 он 11 сар 20. 11 цаг 55 минут
Үндэсний Статистикийн хорооноос зохион байгуулсан "Тогтвортой хөгжил-Статистик" үндэсний анхдугаар чуулган 2017 оны 13, 14-ний өдөр амжилттай болж өндөрлөлөө. Уг чуулганаар Монгол Улсад Тогтвортой хөгжлийн зорилтуудын хэрэгжилтийг дүгнэж, чиг хандлагыг тодорхойлоход статистикийн үүрэг, оролцоог нэмэгдүүлэх, албан ёсны болон захиргааны статистикийн мэдээллийн чанарыг сайжруулах, төр, хувийн хэвшлийн хамтын ажиллагааг хангаж, анхдагч мэдээллийн сангуудыг харилцан ашиглах бололцоог бүрдүүлэх, хууль эрх зүйн орчинг боловсронгуй болгох, үнэн бодит мэдээллийн хэрэглээ, ашиглалтыг нэмэгдүүлэх хүрээнд хүндрэл бэрхшээл, шийдвэрлэх арга замаа тодорхойлох зорилготой юм.
Дэлгэрэнгүй

ЕРӨНХИЙ БОЛОВСРОЛЫН СУРГУУЛЬД СТАТИСТИКИЙН БОЛОВСРОЛ ОЛГОХ СЭДЭВТ СУРГАЛТ ЗОХИОН БАЙГУУЛАЛАА

Нийтэлсэн: 2017 он 11 сар 20. 11 цаг 14 минут
Үндэсний статистикийн хорооноос ирүүлсэн удирдамжийн дагуу 2017 оны 11 дүгээр сарын 03-ний өдөр ерөнхий боловсролын сургуульд Статистикийн боловсрол олгох сэдэвт хичээлийг 5 ангийн 40 хүүхдэд хэлтсийн ахлах мэргэжилтэн, мэргэжилтэн, нар хамтран зохион байгууллаа. Бэлтгэл ажлын хүрээнд аймгийн боловсрол соёлын газраас ерөнхий боловсролын сургуульд чиглэл, хичээл заах хуваарыг хүргүүлэн хамтран ажиллаа.
Дэлгэрэнгүй

"ХОГГҮЙ УЛИАСТАЙ" бүх нийтийн хог цэвэрлэгээ

Нийтэлсэн: 2017 он 10 сар 20. 16 цаг 01 минут
Завхан аймгийн Улиастай сумын Засаг даргын 2017 оны 10 дугаар сарын 17-ны өдрийн албан тоотын дагуу намрын бүх нийтийн их цэвэрлэгээг 10 дугаар сарын 19-нд зохион байгуулалаа. Бүх нийтийн цэвэрлэгээнд хэлтсийн хамт олон өөрийн байгууллагын цэвэрлэх газрыг хуваарийн дагуу цэвэрлэн Улиастай хотдоо өнгө нэмэн оролцлоо.
Дэлгэрэнгүй

 АЖ ҮЙЛДВЭР

 ХӨДӨӨ АЖ АХУЙ

 ХҮН АМ

 ЭРҮҮЛ МЭНД

 ТӨСӨВ, ҮНЭ

 

 

2018 оны 2 сарын 7-нд төгрөг

Гурил I-р зэрэг (орос)    кг           1080

Хонины мах                    кг           5000

Үхрийн мах                     кг           6000

Ямааны ястай мах         кг          4000

Элсэн чихэр                    кг         2200

Цагаан будаа                 кг          2300

Шингэн сүү                     литр     3000

Ноолуур                          кг         65000

Бензин А-80                   литр     1650

Бензин А-92                   литр     1760

Дизель түлш                  литр      2180

 ТА МАНАЙ САЙТЫН

 
ДАХЬ ХЭРЭГЛЭГЧ БОЛЛОО

ТАНД БАЯРЛАЛАА